Dixebra

Bien ceu, güei, tuvi mirando’l cielu.
Acolumbréi escuridá, prieta ya trupa d’ iviernu.
Nu calendariu, agostu; na mia tiesta, xineiru.
El corazón dacuando nun pescancia colores,
empobina pa ú-y peta ensin entruganos un res.
Cerebru ya corazón dixebran el nuesu you
ya fráyanlu con un envís:
tracamundiare ‘l camín ya ponere las cousas abegosas,
pa que nun cuntemos que la vida ía cenciel.la.
De xemes en cuando, ía verdá.
Ya entrambos los dous tienen razón.