Pues sí. Con estes cuatro lletres voi finar d' una vez coles afamaes "eses" que nos punxeron en Grau.
Ya sé que-ys falta la lluminaria pero, como quien te me diz, tán acabaes.Y torno preguntame quién les diseñó.
¿Nun sería muncho meyor que la corona oval qu' arrodia la glorieta mesma desapaeciera? Sí, esa que tien unos adoquininos rosaos que pisen tolos camiones y autobuses y los más de los coches normales. ¿Nun sería meyor qu' esi espaciu fuera calzada y d' esa manera ganaría la circulación?
Otra cosa que me chocó son los xardinucos que mieten nun tramu rectu pa que los vehículos tengan qu' andar con xirigoncies al volante. Ye dicir, baxes pel Parque, garres la "ese" y...xardinucu que te crió. ¿Pa qué? Y lo mesmo na de Las Dos Vías: vas pa Uviéu y a facer rebilicoques pola mor d' otros xardinucos que yá me dirás tu pa qué valen. Y si vienes de Pravia, pa entrar pal centru Grau, otra vuelta a faer eses porque punxeron tres o cuatro pilancos más. Y na de La Cruz, baxes p' abaxo y al xirar a l' altura' Náuticu y Caxastur, atópaste col borde de l' acera que paez fecha aposta p' arremanga-y coles ruedes.
Paez que 'l que diseñó estes coses nun tien carné de conducir. ¡Home , nin, que ye meyor nun poner trastos nel mediu d' una carretera y, si hai manera de faela drecha, fáila drecha! ¡Si-y paez que nun tenemos abondes carreteres n' Asturies con curves a mamplén!
Y, pa nun siguir col tema, dexáime namás esto otro: ¿Por qué nun se pintan los nomes pa onde va cada carril un cachu enantes de llegar a la "ese", envede faelo cuando'l que nun conoz yá ta metíu a lo meyor aú nun debe? ¿Y qué pinta na "ese" de La Cruz, pintada en suelu, la dirección AYTMO? La xente que vien de pasu, qu' entra en Grau pa conocelu y enganchar cola autopista en Peñaflor, quedará plasmada: cuando aporte a la "ese", andará pardida.¿Per ú se va pa Uviéu, p' Avilés, pa Pravia...? ¿Pel carril del AYTMO o pel de TAMEZA? A lo meyor ya que tolos que crucen Grau, han pasar a firmar pel Aytmu o a conocer los vecinos del inmueble o a dici-ys qué guapes tán les "eses". Como los que salen na prensa aloyando les obres y viéndoles maravioses y que yá dirá la xente avezándose a elles. Tovía nun vi neses entrevistes ciudadanes a daquién que tuviera que criticar dalgo de lo mal fecho nelles, qu' habelo, hailo.
Y como dixi, con esto...¡alón! Acabóseme'l tema les "eses".Total, ¡pal casu que faen a los que nun piensen como ellos!
Como diz Forges,:¡País!
Hasta la prósima, qu' espero nun se retrase tanto.
¡A pasalo bien, qu' esta vida son cuatro díes!
Ya sé que-ys falta la lluminaria pero, como quien te me diz, tán acabaes.Y torno preguntame quién les diseñó.
¿Nun sería muncho meyor que la corona oval qu' arrodia la glorieta mesma desapaeciera? Sí, esa que tien unos adoquininos rosaos que pisen tolos camiones y autobuses y los más de los coches normales. ¿Nun sería meyor qu' esi espaciu fuera calzada y d' esa manera ganaría la circulación?
Otra cosa que me chocó son los xardinucos que mieten nun tramu rectu pa que los vehículos tengan qu' andar con xirigoncies al volante. Ye dicir, baxes pel Parque, garres la "ese" y...xardinucu que te crió. ¿Pa qué? Y lo mesmo na de Las Dos Vías: vas pa Uviéu y a facer rebilicoques pola mor d' otros xardinucos que yá me dirás tu pa qué valen. Y si vienes de Pravia, pa entrar pal centru Grau, otra vuelta a faer eses porque punxeron tres o cuatro pilancos más. Y na de La Cruz, baxes p' abaxo y al xirar a l' altura' Náuticu y Caxastur, atópaste col borde de l' acera que paez fecha aposta p' arremanga-y coles ruedes.
Paez que 'l que diseñó estes coses nun tien carné de conducir. ¡Home , nin, que ye meyor nun poner trastos nel mediu d' una carretera y, si hai manera de faela drecha, fáila drecha! ¡Si-y paez que nun tenemos abondes carreteres n' Asturies con curves a mamplén!
Y, pa nun siguir col tema, dexáime namás esto otro: ¿Por qué nun se pintan los nomes pa onde va cada carril un cachu enantes de llegar a la "ese", envede faelo cuando'l que nun conoz yá ta metíu a lo meyor aú nun debe? ¿Y qué pinta na "ese" de La Cruz, pintada en suelu, la dirección AYTMO? La xente que vien de pasu, qu' entra en Grau pa conocelu y enganchar cola autopista en Peñaflor, quedará plasmada: cuando aporte a la "ese", andará pardida.¿Per ú se va pa Uviéu, p' Avilés, pa Pravia...? ¿Pel carril del AYTMO o pel de TAMEZA? A lo meyor ya que tolos que crucen Grau, han pasar a firmar pel Aytmu o a conocer los vecinos del inmueble o a dici-ys qué guapes tán les "eses". Como los que salen na prensa aloyando les obres y viéndoles maravioses y que yá dirá la xente avezándose a elles. Tovía nun vi neses entrevistes ciudadanes a daquién que tuviera que criticar dalgo de lo mal fecho nelles, qu' habelo, hailo.
Y como dixi, con esto...¡alón! Acabóseme'l tema les "eses".Total, ¡pal casu que faen a los que nun piensen como ellos!
Como diz Forges,:¡País!
Hasta la prósima, qu' espero nun se retrase tanto.
¡A pasalo bien, qu' esta vida son cuatro díes!
No hay comentarios:
Publicar un comentario