Arume d' Asturies

Foriatu, ye ceo, sicasí…
Ella anúbrete,
atapez la to vista,
mentanto t’ amuga sele;
magar sía branu,
la borrina nun perdona;
ensin ella, faltaría daqué
y Asturies nun sería Asturies.
Nun t’ escaezas,
acabante cruciar la puerta,
de dir pel mediu la cai
pa qu’ ella, adulces,
t’ empape del arume
de la nuesa tierra.
En tornando a la to casa,
de xuru qu’ anigará nel to corazón
con una raigame tan, tan fonda
que tola to vida vas sentir
señardá d` esti mio país.