(Cona mía fía))
Dacuandu, inda m’alcuerdo d’ aquel.los días nos que cudiaba de ti mentanto xugabas embaxo ya darriba ‘l quioscu la fiesta, un quioscu feitu de tablones de pinos que fuéramos baltiare a Rodoiros seis paisanos del pueblu del.los meses anantes de las fiestas sacramentales de Naraval. Debaxo d’ él, guardábamos la l.leña pa la cocina de casa ya pa la estufa la escuela, l.leña de carbayu, faya, arbedeiru, oucalitu ou mesmamente pinu, too entemecío. Taba toda bien aserradina, en rueldos más ou menos del mesmu l.largor, afayaízos tanto pa un l.lar como pal outru. Amás, las canas más delgadinas, aquel.las qu’ echábamos primeiro al fueu recién prendíu con dous ou tres piñas pa que garrara fuercia darréu, picadinas todas por un igual, asitiadas tamién, pero separtadas de lo más gordo. Víate eil.lí, enclicadina pa nun dar cona tiesta nas tablas que conformaban el suelu ’l quioscu, afanándote por escoer cuatro cachos de l.leña que diban valite pa xugare a los coches ou a las moñecas, tanto te daba. La tua imaxinación nun tenía fronteras ya ‘l miou enchipamientu al vete tampoucu. De la que xurdías d’ el.lí abaxo con del.los rueldos nos bracinos, arimábaste a mí pa cuntame lo que yera caún d’ el.los: esti ía un carru, esi, el trator, ya los outros dous son las vacas qu’ han tirare del carru. L.lueu, asitiábaslos nu portal ya tornabas pal l.liñeiru al rebuscu d’outru peazu que fixera de remolque. Trazabas carreteras, caminos ya caleas nu suelu por onde faías desfilar aquel.los vehículos, ún cargáu de yerba ya l’ outru de patacas. Mentantu, you, sentáu nuna siel.la, rindíame a los cabeiros raxinos del sol serondiegu al empar que deslizaba los mious güeyos por dalgún de los l.libros de l.lectura conos que mataba las horas daquel.la. Siempre tenía dous empezaos, ún pal día ya outru pa la nueite. Cousas raras d’ un home inda más raru, ya qu’ agora, señardosu, conos anos, remembra datos prestosos d’ un tiempu que yá nun vei tornare, lo que nun quita que nun puedan volver vivise, magar que nun sía namás zarrando un migayu los güeyos.
Dacuandu, inda m’alcuerdo d’ aquel.los días nos que cudiaba de ti mentanto xugabas embaxo ya darriba ‘l quioscu la fiesta, un quioscu feitu de tablones de pinos que fuéramos baltiare a Rodoiros seis paisanos del pueblu del.los meses anantes de las fiestas sacramentales de Naraval. Debaxo d’ él, guardábamos la l.leña pa la cocina de casa ya pa la estufa la escuela, l.leña de carbayu, faya, arbedeiru, oucalitu ou mesmamente pinu, too entemecío. Taba toda bien aserradina, en rueldos más ou menos del mesmu l.largor, afayaízos tanto pa un l.lar como pal outru. Amás, las canas más delgadinas, aquel.las qu’ echábamos primeiro al fueu recién prendíu con dous ou tres piñas pa que garrara fuercia darréu, picadinas todas por un igual, asitiadas tamién, pero separtadas de lo más gordo. Víate eil.lí, enclicadina pa nun dar cona tiesta nas tablas que conformaban el suelu ’l quioscu, afanándote por escoer cuatro cachos de l.leña que diban valite pa xugare a los coches ou a las moñecas, tanto te daba. La tua imaxinación nun tenía fronteras ya ‘l miou enchipamientu al vete tampoucu. De la que xurdías d’ el.lí abaxo con del.los rueldos nos bracinos, arimábaste a mí pa cuntame lo que yera caún d’ el.los: esti ía un carru, esi, el trator, ya los outros dous son las vacas qu’ han tirare del carru. L.lueu, asitiábaslos nu portal ya tornabas pal l.liñeiru al rebuscu d’outru peazu que fixera de remolque. Trazabas carreteras, caminos ya caleas nu suelu por onde faías desfilar aquel.los vehículos, ún cargáu de yerba ya l’ outru de patacas. Mentantu, you, sentáu nuna siel.la, rindíame a los cabeiros raxinos del sol serondiegu al empar que deslizaba los mious güeyos por dalgún de los l.libros de l.lectura conos que mataba las horas daquel.la. Siempre tenía dous empezaos, ún pal día ya outru pa la nueite. Cousas raras d’ un home inda más raru, ya qu’ agora, señardosu, conos anos, remembra datos prestosos d’ un tiempu que yá nun vei tornare, lo que nun quita que nun puedan volver vivise, magar que nun sía namás zarrando un migayu los güeyos.
Nun pierdan la
sorrisa, anque tengan que buscala no fondeiru’l corazón.
No hay comentarios:
Publicar un comentario