Lletres Asturianes

Selmana de les Lletres Asturianes.

D' un llau l' Academia de la Llingua Asturiana cellebra 'l Día de les Lletres requetepidiendo a los partíos políticos asturianos que tornen la burra al trigu, ye dicir, que na ¿reforma l' Estatutu? (¿daquién s' alcuerda d' él?) afonden d' una vez nel tema de la llingua y que se contemple como cooficial, col envís tan simple de que naide se sienta discrimináu por emplegala ¡Y van trenta años colo mesmo!¡Y van trenta años azurracando, al empar que trabayando pol Asturianu, y trenta años que la clase política nun se da por enterada!

Dotramiente, nel Principáu axúntense una bona partida de xente traxeao (Delegáu del Gobiernu, Presidenta de la Xunta, diputaos y demás bisutería de la nuesa sociedá)) pa cellebrar esti día 8 de mayu lliendo dellos versos o párrafos d' autores asturianos: dediquen un par d' horines(que yá ye dicir) a lleer cuatro pallabres caún n' alta voz, pa les que los más tuvieron que tar tola selmana ensayando pa nun se tracamundiar Y salen na tele y na prensa esplicotiando 'l valir del Asturianu y bla, bla, bla. ¿Serán fatos o quieren facenos a nós? En tol añu nun s' alcuerden d' ella pa ná, inda más, refuguen d' ella y echen sapos y culiebres escontra d' ella, anque eso sí de mou finu, que se-ys da mucho bien.

¡Qué vergüenza! Hai enforma d' años que los definieron: sepulcros blanquiaos.

Bono, de momentu, yá ta bien pa güei.

Que lo paséis bien,....si vos dexen.

Y hasta dientro poco,...si me dexen.