viernes, 23 de enero de 2009
Asturies desnuda
Asturies desnuda nel alma, bien fonda, bien enraigonada;
Asturies na cara, na sorrisa, nos güeyos;
Asturies nos pulmones, nel corazón, nos reñones;
Asturies nos deos y nes manes, na piel;
Asturies nel cuerpu, de la cabeza a los pies.
Llevo a Asturies dientro min, dende que nací;
y llévola desnuda con arguyu, bien enfotáu nella.
Pero enxamás la llevaré pola bandera o l' escudu,
poles formes y les apariencies,
por salir na foto o por que me reconozan
Eso déxolo pa los falsos y los hipócrites,
pa los llambeculos y los enchipaos,
pa los ignorantes y probinos,
pa los que s'escuenden y s' enrollan ente los símbolos
pa los que los usan p' anubrir la so propia ineficacia,
pa los que destilan la so mala lleche escontra ella,
pa los que cuenten qu' asina aman a Asturies
pa los que persaben que nun la aman,
pa los que nos engañan.
Suscribirse a:
Enviar comentarios (Atom)
Mui bien, hai que da-yos caña. Rubén
ResponderEliminarToi d'afechu conforme colo que dices.
ResponderEliminar