Nestos caberos tiempos avézase ún tanto a sentir "jilipolleces" que llega 'l momentu en que t' entren per un oyíu y sálente pel otru. Y escribo esto dempués de lleer delles coses al rodiu de temes que m' afecten como asturianu vecín de Grau. Veamos:
-Per un llau toi atentu a les nueves sol futuru auditoriu d' esta villa que, pante min, camiento que va quedar n' Escuela de Música darréu que les perres nun algamen.Yá lleí na prensa que'l gobiernu moscón glaya nel desiertu énte les partíes del presupuestu d' Asturies nel que nun se consigna nin un céntimu pa esta fin. Conque la fechura d' un auditoriu que tanto necesita Grau, vuelve quedar nel aire.Y yá van...¿cuántos gobierninos municipales y gobiernonos autonómicos? Yá, yá sé qu' hai que ser optimistes, que dalgún día se fairá, pero, home, esto de les promeses...Teníen que coyer a los que lu prometieron y llevalos al xulgáu por engañanos y pa que 'l xuez los absolviera y na sentencia escribiera que la culpa toa ye de los vecinos por fatos, por inocentes, por tontones, por creyer en paxarinos preñaos.
-Dotramiente, tamién lleo con preste les noticies que nos apurren dende'l País Vascu y dende Galicia (Cantabria nun sabe, nun contesta, o ye que lo tien perclaro, anque nun sé qué) amuesando un interés perfondu pela comunicación ferroviaria de tola cornisa cantábrica xuniéndola col afamáu AVE, envede una FEVE que, como muncho , pue dar de sí lo que nun coche sería la quinta velocidá, porque a la sesta...Vamos, como que non. Y alcuérdome del parecer de los mandamases asturianos, a la escontra de toos, simepre de llistos pela vida, diciendo que si l' impactu ambiental, que si los paisaxes protexíos, que si pamplines. Nes dómines que corren, nesti sieglu XXI (nel que munchos d' ellos entovia nun entraron nin entrarán) hai que se decatar que les comunicaciones son el sofitu del que tenemos qu'echar mano si queremos progresar como país, como autonomía, como rexón o como provincia (llamáilo como queráis, pero nun dexa de ser Asturies). Y fixáivos: nin autopista pa la Meseta porque la de pagu ye eso, de pagu, y amás la más cara o cuasi d' España, y, si caen cuatro trapucos blancos, va y cierra; la rede ferroviaria p' hacia'l sur apellada Ruta de la Plata, tururú que te vi, qu' en Lleón yá dixeron que pa ellos lo primero son las autopistes; l' AVE que va llegar a Asturies dende Madrid va ser un paxarín de los del nial, que tovía nun sabe esnalar; l' aeropuertu pierde llínies aéreas, vuelos a otros llugares que van salir desde Santander, Bilbao o Lleón, controladores, pasaxeros (lóxico) y lo que faiga falta pal bon gobiernu n' otres comunidaes, que n' Asturies nun hai naide que diga un res; el superpuertu de Xixón ta empufáu y eso namás col créditu famosu que-y dio l' Estáu y que nun sabe cómo devolvelu; ...
Nun sé, será porque ye perceo (les cinco y media la mañana) y tovía nun tengo la cabeza furrulando a tolo que da (que tampoco nun ye muncho, reconózolo), pero a min esto, como dicía enantes, éntrame per un oyíu y salme pel otru. Polo menos hasta les ocho la mañana que tomo un cafetucu solu (con azucre, eso sí, que la sacarina faime comer llambionaes), lleo la prensa y torno a lo de cuasi tolos díes: encabroname con toos ellos, colos mandamases asturianos, que son en política algo así como muñequinos de la granxa de Pin y Pon en comparanza con un ganaderu asturianu cuando ve lo que-y paguen pol llitru lleche.
Bono, ta bien. Voi vistime pa dir pol periódicu, anque nun sé si lleelu pa qu' esti martes seya un poco meyor.. Que pasen un bon día.
-Per un llau toi atentu a les nueves sol futuru auditoriu d' esta villa que, pante min, camiento que va quedar n' Escuela de Música darréu que les perres nun algamen.Yá lleí na prensa que'l gobiernu moscón glaya nel desiertu énte les partíes del presupuestu d' Asturies nel que nun se consigna nin un céntimu pa esta fin. Conque la fechura d' un auditoriu que tanto necesita Grau, vuelve quedar nel aire.Y yá van...¿cuántos gobierninos municipales y gobiernonos autonómicos? Yá, yá sé qu' hai que ser optimistes, que dalgún día se fairá, pero, home, esto de les promeses...Teníen que coyer a los que lu prometieron y llevalos al xulgáu por engañanos y pa que 'l xuez los absolviera y na sentencia escribiera que la culpa toa ye de los vecinos por fatos, por inocentes, por tontones, por creyer en paxarinos preñaos.
-Dotramiente, tamién lleo con preste les noticies que nos apurren dende'l País Vascu y dende Galicia (Cantabria nun sabe, nun contesta, o ye que lo tien perclaro, anque nun sé qué) amuesando un interés perfondu pela comunicación ferroviaria de tola cornisa cantábrica xuniéndola col afamáu AVE, envede una FEVE que, como muncho , pue dar de sí lo que nun coche sería la quinta velocidá, porque a la sesta...Vamos, como que non. Y alcuérdome del parecer de los mandamases asturianos, a la escontra de toos, simepre de llistos pela vida, diciendo que si l' impactu ambiental, que si los paisaxes protexíos, que si pamplines. Nes dómines que corren, nesti sieglu XXI (nel que munchos d' ellos entovia nun entraron nin entrarán) hai que se decatar que les comunicaciones son el sofitu del que tenemos qu'echar mano si queremos progresar como país, como autonomía, como rexón o como provincia (llamáilo como queráis, pero nun dexa de ser Asturies). Y fixáivos: nin autopista pa la Meseta porque la de pagu ye eso, de pagu, y amás la más cara o cuasi d' España, y, si caen cuatro trapucos blancos, va y cierra; la rede ferroviaria p' hacia'l sur apellada Ruta de la Plata, tururú que te vi, qu' en Lleón yá dixeron que pa ellos lo primero son las autopistes; l' AVE que va llegar a Asturies dende Madrid va ser un paxarín de los del nial, que tovía nun sabe esnalar; l' aeropuertu pierde llínies aéreas, vuelos a otros llugares que van salir desde Santander, Bilbao o Lleón, controladores, pasaxeros (lóxico) y lo que faiga falta pal bon gobiernu n' otres comunidaes, que n' Asturies nun hai naide que diga un res; el superpuertu de Xixón ta empufáu y eso namás col créditu famosu que-y dio l' Estáu y que nun sabe cómo devolvelu; ...
Nun sé, será porque ye perceo (les cinco y media la mañana) y tovía nun tengo la cabeza furrulando a tolo que da (que tampoco nun ye muncho, reconózolo), pero a min esto, como dicía enantes, éntrame per un oyíu y salme pel otru. Polo menos hasta les ocho la mañana que tomo un cafetucu solu (con azucre, eso sí, que la sacarina faime comer llambionaes), lleo la prensa y torno a lo de cuasi tolos díes: encabroname con toos ellos, colos mandamases asturianos, que son en política algo así como muñequinos de la granxa de Pin y Pon en comparanza con un ganaderu asturianu cuando ve lo que-y paguen pol llitru lleche.
Bono, ta bien. Voi vistime pa dir pol periódicu, anque nun sé si lleelu pa qu' esti martes seya un poco meyor.. Que pasen un bon día.
No hay comentarios:
Publicar un comentario