Bien ceu, güei, tuvi mirando pal cielu.
Acolumbréi escuridá, prieta ya trupa d’ iviernu.
Nu calendariu, agostu; na mia tiesta, xineiru.
El corazón dacuandu nun pescancia colores,
empobina pa ú-y peta ensin entruganos un res.
Cerebru ya corazón dixebran el nuesu you,
ya fráyanlu con un envís:
tracamundiare ‘l camín, ponere las cousas abegosas,
pa que nun cuntemos que la vida ía cenciel.la.
De xemes en cuandu, ía verdá.
Ya entrambos los dous tienen razón.
Dacuando, el cerebru y el corazón van per sendeiros separtaos.
Sabremos quién tenía razón al aportare a lo cabeiro 'l camín.
Entós, entamamos de nuevo.
¡Xuegan con nós tolos días del anu ya nós nun tenemos outra que deixalos!
No hay comentarios:
Publicar un comentario